မြစ်အောက်ပိုင်းဒေသသို့ သက်ရောက်မှုများ

User Rating: 0 / 5

Star InactiveStar InactiveStar InactiveStar InactiveStar Inactive
 
မြန်မာနိုင်ငံ၏ သံလွင်မြစ်ပေါ်တွင် တည်ဆောက်မည့် ဆည် ၅ ခုကြောင့် မြစ်ဝဒေသ၊ မြစ်အောက်ပိုင်းတွင် နေထိုင်နေကြ သည့် သန်းတ၀က်ကျော်ရှိ ပြည်သူများ၏ ဘ၀နေထိုင်မှု ပုံစံများသည် လုံးဝပြောင်းလဲသွားရတော့မည့် အန္တရာယ်ရှိနေပါ သည်။ သံလွင်မြစ်ဝတွင်နေထိုင် ကျက်စားကြသည့် သက်ရှိများသည့် ထူးခြားသည့် ဂေဟစနစ်ဝန်းကျင်တွင် နေထိုင်ကြပြီး သံလွင်မြစ်မှ စီးဆင်းလာသည့် ရေချိုများသည် မြစ်လက်တက်များမှတဆင့် ကပ္ပလီပင်လယ်မှ ရေငန်နှင့် ပေါင်းဆုံပါသည်။ ၎င်းအပြင် နေ့စဉ် ဒီရေအတက်အကျနှင့် ရာသီအလိုက်ဖြစ်ပေါ်သည့် ရေကြောင်းပြောင်းလဲစီးဆင်းမှုတို့နှင့်လည်း ပေါင်းစပ် နေပါသည်။ သို့သော်လည်း ယခုဆည်များသာ တည်ဆောက်ခဲ့ပါက အခြားကမ္ဘာ့နိုင်ငံများတွင် လေ့လာတွေ့ရှိခဲ့သည့် အတိုင်း မြစ်အောက်ပိုင်းဒေသများတွင် ဆိုးကျိုးများ ကြုံတွေ့ကြရဖွယ် ရှိနေပါသည်။ ဤဆိုးကျိုးများတွင် အောက်ပါကိစ္စ များ ပါဝင်နိုင်ပါသည်။
{highslide type="img" url="maps/downstream.gif" width=180 display=none}မြေပုံကို ပုံကြီးချဲ့ ကြည့်ရန်{/highslide}
အနည်းကျမှုများ နည်းသွားနိုင်ခြင်း။     မြစ်အောက်ပိုင်းဒေသများသို့ နုံးအနယ်ကျမှုများ ရောက်ရှိရန် ပို၍ နည်းသွားသော ကြောင့် မြန်မာနိုင်ငံ၏ စပါးကျီဟု တင်စားကြသည့်အရပ်တွင် စိုက်ပျိုးရေး အထွက်နှုန်းများ ကျဆင်းသွားနိုင်ပါသည်။ ဒေသ ခံလူထုများ၏ စားရေရိက္ခာ ဖူလုံရေးသာမက၊ ဤဒေသမှဆန်ကို မှီခို၍ တင်သွင်းစားနေကြရသည့် သိန်းပေါင်းများစွာသော ပြည်သူများ၏ ရိက္ခာဖူလုံရေးကိုလည်း ထိခိုက်စေပါလိမ့်မည်။
မြစ်၏ဇလဗေဒ ပြောင်းလဲမှုများ။        ။ မြစ်ရေစီးသည့် ရေလုံးအင်အားပြောင်းလဲသွားမှုကြောင့် ရေတွင် ဆားငန်ဓါတ် သိပ်သည်းမှု ပိုများလာနိုင်ပြီး ပို၍ မြစ်အညာပိုင်းသို့ ဆားငန်ရေ၀င်လာနိုင်ပါသည်။ သို့အတွက်ကြောင့် စိုက်သီးနှံများကို ပို၍ထိခိုက်စေပါလိမ့်မည်။
ရုတ်တရက်နှင့် သဘာဝမဟုတ်သည့် ရေမြင့်တက်ခြင်းများ။         ။ မြစ်အထက်ပိုင်းဆည်မှ ရေလွှတ်ချလိုက်ခြင်း ကြောင့် ရုတ်တရက်နှင့် သဘာဝမဟုတ်သည့် ရေမြင့်တက်ခြင်းများ ဖြစ်ပေါ်ကာ ကမ်းပါးမြေများ တိုက်စားခြင်း၊ ကျွန်းများကို ဖျက် ဆီးပစ်ခြင်း၊ မြစ်ကြောင်းတလျှောက်နေ ပြည်သူများအတွက် အန္တရာယ်ကြုံရခြင်းများ ဖြစ်စေပါသည်။
ရေ၏ အရည်အသွေးပြောင်းလဲသွားခြင်း။         ။ ဆားငန်ဓါတ်ပေါက်မှု သို့မဟုတ် ရာသီအလိုက် ရေစီးဆင်းမှုပုံစံ ပြောင်း လဲသွားခြင်းကြောင့် ရပ်ရွာများ၏ ရေလှောင်ကန်များ သောက်သုံးမရ ဖြစ်နိုင်သလို၊ စိုက်ပျိုးရေးအတွက်လည်း အခက်တွေ့ စေနိုင်ပါသည်။
ငါးဖမ်းရရှိမှု ကျဆင်းသွားခြင်း။        ။ ငါးများ ရွှေ့ပြောင်းသားပေါက်မှုကို အနှောင့်အယှက်ဖြစ်စေသည့် အတွက်ကြောင့် ငါး အရေအတွက်နည်းလာနိုင်သည်။ ဒေသခံလူထုများအတွက် အသားဓါတ် ရရှိမှုနည်းလာနိုင်သည်။ ဇီဝမျိုးကွဲများ ကြွယ်ဝမှု ကိုလည်း ထိခိုက်စေနိုင်သည်။
ဆည်ကျိုးပေါက်မှုကြောင့် ကပ်ဘေးသင့်ရခြင်း။       ။ ယခု တည်ဆောက်ရန် လျာထားသည့် ဆည်များသည် မြန်မာနိုင်ငံ၏ ငလျှင်ပြတ်ရွေ့ကြော အပေါ်တွင် တည်ရှိနေကြပါသည်။

ဤသို့ ပြောင်းလဲမှုများ တခုခုဖြစ်ပေါ်ခဲ့ပါက မျိုးဆက်များစွာ မိမိဘာသာရပ်တည် နေထိုင်ခဲ့ကြသည့် လူထုများ၊ သူတို့၏ သဘာဝ ပတ်ဝန်းကျင်များ၏ မျှခြေအနေအထား ပျက်ယွင်းသွားနိုင်ပါသည်။ သို့အတွက်ကြောင့် အသက်မွေးဝမ်းကျောင်း လုပ်ငန်းများ ဆုံးရှုံးရခြင်း၊ ပြင်ပဒေသများသို့ ရွှေ့ပြောင်းနေထိုင်ရခြင်းများ ဖြစ်ပေါ်လာနိုင်ပါသည်။ သို့သော်လည်း ဤသို့ စိုးရိမ်ပူပန်ချက်များနှင့် ဖြစ်လာနိုင်သည့် ပြဿနာများကို မြစ်အောက်ပိုင်းဒေသတွင် နေထိုင်ကြသူများထံသို့ ယခုတိုင် အသိပေးခြင်း မရှိသေးပါ။ ဤဆည်စီမံချက်များအကြောင်းကိုလည်း ယခုတိုင် အသိပေးခြင်း မရှိသေးပါ။ ဆုံးဖြတ်ချက်ချရာ တွင် ပါဝင်ခွင့်ရရေးဆိုသည်မှာ ပို၍ ဝေးကွာနေတော့ပါသည်။    

သံလွင်မြစ်ပေါ်တွင် တည်ဆောက်မည့်ဆည်များနှင့် ပတ်သက်၍ အင်တာနက်စာမျက်နှာ www.salweenwatch.org သို့ သွားရောက် ကြည့်ရှုနိုင်ပါသည်။
သံလွင်မြစ်အောက်ပိုင်းဒေသနေ ပြည်သူများအပေါ် သက်ရောက်မည့် ဆိုးကျိုးများနှင့် ပတ်သက်၍ "တိမ်းစောင်းမခံနိုင် သော မျှခြေ" (In the Balance) အစီရင်ခံစာကို ဖတ်ရှုစေလိုပါသည်။

မြစ်အောက်ပိုင်းဒေသသို့ ထိခိုက်နိုင်သော ဆိုးကျိုးများနှင့် ပတ်သက်၍ ယေဘုယျသတင်းအချက်အလက်များ ဖတ်ရှုလို ပါက ကမ္ဘာ့ဆည်များဆိုင်ရာ ကော်မရှင် (WCD) ၏ အချက်အလက်ဘဏ် www.dams.org သို့ သွားရောက် ကြည့်ရှု နိုင်ပါသည်။
ကမ္ဘာ့ဆည်များဆိုင်ရာ ကော်မရှင် (WCD) က မြစ်အောက်ပိုင်းဒေသများနှင့် ပတ်သက်၍ လေ့လာချက်ကို အောက်ပါ နေရာများတွင် ဖတ်ရှုနိုင်ပါသည်။
http://www.dams.org/docs/kbase/contrib/soc195.pdf
"တိတ်ဆိတ်သွားသည့် မြစ်များ။ ဧရာမဆည်ကြီးများ၏ ဂေဟဗေဒစနစ်နှင့် နိုင်ငံရေး" စာအုပ်
The book Silenced Rivers: The Ecology and Politics of Large Dams
(for information http://www.internationalrivers.org/en/dam-basics/silenced-rivers-ecology-and-politics-large-dams)

Voices of the Dammed

© 2017 မြန်မာနိုင်ငံ မြစ်ချောင်းများဆိုင်ရာ ကွန်ယက်. All Rights Reserved.